Бауыржан Байбек Түркістанда «Jas Otan» белсенділерімен кездесті

13.12.2020

Бұл туралы партия Төрағасының бірінші орынбасары Facebook желісіндегі парақшасында хабарлады.

Бауыржан Байбек Түркістанда «Jas Otan» белсенділерімен кездесті

«Түркістанда «Jas Otan» белсенділерімен кездестім. Оларға партияның үгіт-насихат жұмыстарына атсалысқандары үшін алғыс айттым. Алда жасотандықтар партия белсенділерімен бірге 6 миллиондай үгіт-насихат материалдарын таратумен айналысады. Тек алғашқы бірнеше күннің ішінде 1,3 млн. постер мен брошюралар үлестірілді.

 

Өздеріңізге мәлім, жуырда Елбасы, «Nur Otan» партиясының Лидері Нұрсұлтан Назарбаевтың қатысуымен партияның жастар қанатының V Съезі өтті. Онда таяудағы 5 жылға арналған нақты нысаналы көрсеткіштері бар «Jastar Otanga» бағдарламасы қабылданды.

Facebook (1).jpg 

Қашанда жастар – кез келген елдің болашағы. Сондықтан да олардың өз қабілеттерін іске асыруларына жағдай жасау, сапалы білім алуына жол ашу, бос уақыттарын тиімді өткізіп, жұмыспен қамту мәселелері - «Nur Otan» партиясы үшін әрдайым басымдықта.

 

Сонымен, қажеттілігі басым мамандықтар бойынша жоғары оқу орындарында білім алу үшін гранттар санын 50%-ке көбейту, студенттер стипендиясын 2 есе, магистранттар мен докторанттардікін - 1,5 есе көтеріп, колледждер мен университеттер жатақханаларында жаңадан кемінде 50 мың орын енгізу көзделуде.

 

Сондай-ақ, жылына орташа алғанда 5 мың адамды қамти отырып, «Алғашқы жұмыс орын» жобасы іске қосылады. Жас кәсіпкерлерге бизнес-идеяларын жүзеге асыру үшін жылына 10 мың грант беріледі.

Facebook (3).jpg 

Ауылдық жерлерде спорт нысандары мен алаңдарын, 450 мыңнан астам жасты қамтитын заманауи демалыс орындарын салу жоспарланған.

 

Бәріміз бірлесе отырып алға қойған барлық міндетті іске асыратынымызға сенімдімін», - деп жазды Бауыржан Байбек.



Жоғары